Nitanyag ang Department of Trade and Industry Central Visayas og P300,000 nga loan sa mga business sectors nga naapektuhan sa linog nga miigo niadtong Setyembre 30, 2025.
Kini ang gipaambit ni Marivic Aguilar, ang Provincial Director sa DTI Cebu nga gitawag kini nga nga Enterprise Rehabilitation Financing program ubos sa small business corporation diin gituyo pagdisenyo lang sa mga naapektuhan sa katalagman.
Dugang niini nga ang maong tanyag kay zero percent interest sa unang tuig, ingon man nga gilugwayan ang pagbayad niini sa principal og 6 ka buwan subay usab sa gituohan nga sakto na kini nga panahon aron makabawi og hinay-hinay.
Atol sa ilang pag-adto sa amihanang bahin sa Sugbo adunay 31 ka indibidwal ang mihangop sa ilang pautang apan 28 lang niini ang naka-avail aron sa pag-cover sa ilang naalkansi tungod sa kadaot nga nahiaguman sa katalagman.
Samtang, nipadayag usab si Aguilar og pasalamat sa Department of Information and Communications Technology ug sa mga lokal nga kagamhanan tungod sa paghibalik sa power gumikan online ang ilang pamaagi nga magiyahan ang mga ni-avail sa loan.
Nanghinaot usab kini nga mahuman na ang ilang pagbisita sa tanang bahin sa naapektuhan karong semanaha.
