CEBU CITY-Gipangandaman na og kaso ang suspek sa pagpamusil sa Purok Kalabasa, Brgy. Pitalo, San Fernando Cebu nahitabo alas 11:05 sa udto, niadtong Enero 22, 2024.
Nalanding sa Carcar District Hospital ang duha ka mga tawo human nga napusilan sa maong suspetsado.
Giila ang mga nasamdan nga sila si Catherine Dioba, 28, ug Martin Basco, 76, parehong residente sa maong dapit.
Gibutyag sa hepe sa San Fernando Police Station na si PMAJ Mark Anthony Villanueva nga nakadawat sila og tawag gikan sa usa ka concerned citizen nga adunay shooting incident nga nahitabo diin ilahang dali nga girespondehan.
Pag-abot sa maong lugar ilahang nadungog ang pipila ka buto sa pusil.
Gikataho nga gitahasan ni Juezan si Dioba sa pagkolekta ug pag-remit sa bayad sa mga utang.
Apan sa dihang namatikdan sa suspek nga nag-inom ang biktima sa balay sa ilang silingan, nasuko kini ug misuway og pusil sa biktima, apan nasipyat.
Miikyas si Dioba, apan gipusil na usab siya ni Basco nga naigo sa likod sa biktima.
Nadiskubrehan sa kapulisan sa San Fernando nga nagpusil usab si Basco sa iyang dughan pag-abot nila sa dapit.
