CEBU CITY- Nasikop ang usa ka high-value nga indibidwal kinsa nakuhaan og 825 gramos nga gituohang shabu nga mobalor og ₱5.6 milyones atol sa anti-drug operation nga gipahigayon sa Drug Enforcement Unit sa Inayawan Police Station sa Sitio Dumpsite, Barangay Inayawan, dakbayan sa Sugbo Sabado sa gabii January 4, 2025.
Giila ang suspek nga si Lorenz Uy Jurado, 29-anyos, delivery rider, ulitawo, ug residente sa Spolarium Street, Brgy. Duljo-Fatima, dakbayan sa Sugbo.
Nasikop kini subay sa gipahigayon nga buy-bust operation sa mga personahe sa Station 7, Cebu City Police Office.//
Ang nasakmit nga white crystalline substance nga gituohang “shabu” adunay gibana-bana nga gross weight nga 825 gramos nga adunay Standard Drug Price Value nga Php Php5, 610, 000.00.
Kini gisumite sa Regional Crime Laboratory Office 7 alang sa eksaminasyon.
Samtang, ang nahisgutang dinakpan nga drug personality temporaryong gitanggong sa Police Station 7, CCPO samtang giandam ang mga dokumento alang sa pagpasaka sa tukmang kaso ngadto sa korte.
