Opisyal na nga nasugdan kagahapong adlawa sa Lunes, Pebrero 23 ang Confirmation of Charges Hearing alang kang kanhi Presidente Rodrigo Duterte sa International Criminal Court (ICC) sa The Hague, Netherlands.
Subay niini, eksklusibong gikab-ot sa Bombo Radyo Cebu News Team si Atty. Arvin Odron, ang Regional Director sa Commission on Human Rights Central Visayas (CHR-7), aron na sa pagsuta kung unsa ang epekto niini alang sa hisgutanan sa tawhanong katungod.
Gikabutyag ni Atty. Odron nga alang sa mga biktima Extrajudicial Killings (EJKs) ubos sa administrasyon sa kanhi presidente diin makonsiderar kini nga dako nga kadaogan, ilabi na nga niabot sa punto nga ang kaso nga gisang-at nila niabot sa ICC.
Samtang gitino usab ni Atty. Odron nga ang mahimong epekto niini ngadto sa Defense Team sa kanhi presidente, wala pay kasiguradohan nga m-proceed kini sa trial gumikan kay sa kasamtangan, Pre-Trial Proceedings pa kini, ug anaa pa sa lebel sa prekusyon nga gisang-at ngadto sa korte ang mga ebidensya, ug pagatimbangon pa kini sa korte kung aduna pa gayuy epesyenteng ebidensya batok sa kanhi presidente.
Busa, gitataw ni Atty. Odron nga patas kini nga pakigbisog alang sa mga nabiktima og sa depensa.
Ingun man nga iyang gitino nga alang sa habig sa mga biktima, kung dinhi sa nasud nga Pilipinas adunay findings sa Human Rights Violation, didto sa ICC magpabilin kining “alleged” kon gituohan gumikan kay wala pay findings nga adunay Human Rights Violation sa lebel sa ICC. by Bombo Irene Ardiente
