Mihimo og kaugalingong ngalan ang usa sa mga anak ni Filipino ring icon Manny Pacquiao nga si Emmanuel Joseph Bacosa.
Nakapukaw sa interes sa citizens si Bacosa, hilabi na kadtong wala sa kalibutan sa boxing, tungod gawas nga anak kini ni Pacquiao, dili ikalimod ang maanyag niini nga dagway.
Apan, bisan paman sa iladong imahe sa iyang amahan kay giklaro sa 21-anyos nga bantugang boksingero nga naka-focus siya sa pagsubay sa iyang kaugalingong dalan ug paghimo og ngalan alang sa iyang kaugalingon.
Nasayod usab siya nga dili gayud malikayan nga itandi sa iyang amahan apan dili kana ang iyang tumong ug tuyo.
Si Bacosa, natawo sa Tagum, Davao del Norte ug sa ulahi mibalhin sa General Santos City ug nagsugod sa boksing sa edad nga 10 ug nahimong pro sa edad nga 19. Ang iyang unang away natapos sa split draw niadtong Septyembre 2023.
Ingon man nga taas pa ang subayon niini sa iyang karera, apan padulong na siya sa husto nga direksyon.
