Gisentensiyahan sa Seoul Central District Court karong adlawa, Hunyo 12, ang natangtang sa pwesto nga kanhi Presidente sa South Korea nga si Yoon Suk Yeol og 30 ka tuig nga pagkapreso human mapatigbabawan sa sala nga general treason o pagluib sa nasod ug abuse of power.
Nakit-an sa korte nga sad-an si Yoon sa sekretong pagmando sa pagpalupad og mga military drone padulong sa Pyongyang, North Korea kaniadtong Oktubre 2024.
Sumala sa desisyon sa korte, gihimo kini ni Yoon aron tuyong hagiton ang North Korea, magmugna og artipisyal nga krisis sa gubat, ug gamiton kini nga rason o pretext aron ideklarar ang iyang pakyas nga Emergency Martial Law kaniadtong Disyembre 3, 2024.
Dugang pamahayag Seoul Central District Court, gisugyot sa ebidensya nga ang akusado nagkunsabo aron pekeon ang usa ka wartime condition. Ang maong lakang nagbutang sa tibuok nasod sa grabeng peligro sa gubat alang lamang sa iyang personal nga politikanhong interes.
Uban sa kanhi presidente, gisentensiyahan usab og 30 ka tuig nga pagkabilanggo ang iyang kanhi Defense Minister nga si Kim Yong-hyun nga maoy giingong kunsabo sa pagplano sa ilegal nga drone operation.
