Gikatahong wala magtugma ang finger print sa laing Alice Guo nga ni-apply og NBI Clearance niadtong 2005 kang suspended Bamban Mayor Alice Guo.
Kini ang gikompirmar ni National Bureau of Investigation Director Jaime Santiago atol sa press conference.
Basi sa talaan sa NBI, ang ikatulo nga Alice Guo mi-apply og NBI Clearance niadtong 2005 gikan sa Project 8 sa Quezon City.
Ilang gisusi ang dapit nga ilang gipuy-an sa nahisgutang siyudad apan wala’y Alice Guo nga nagpuyo sa naasoy nga lugar.
Ang fingerprint sa gisuspenso nga mayor unang nitakdo sa Chinese passport holder nga si Guo Hua Ping.
Ug ang NBI Chief miingon nga sila si Alice Guo ug Chinese National Guo Hua Ping mao ra ang tawo.
Kalabot niini, nangayo usab og tabang ang NBI sa publiko aron mahatagan og impormasyon kon aduna sila’y nahibaw-an bahin sa bag-ong Alice Guo.
