CEBU CITY– ‘In’ ug gilinyahan usab ang free haircut ug free lugaw nga dalit sa Armed Forces of the Philippines ug Police Regional Office (PRO-7) para sa Bombo Medico 2019 sa Bombo Radyo Cebu.
Gawas sa Dental service nga tanyag sa Central Command Visayas,nag-offer usab sila og Free haircut sa mga lalaki. Hinungdan nga ang mga pasyente nga nahuman na sa ilang medical services mulinya usa kini ug magpatupi.
Daw sama nga nahimong one stop pa ang venue tungod kay gawas nga mahimong maayo ang pamati sa ilang panglawas human sa libreng check-up, mahimong hayahay usab ug presentable ang ilang nawong gumikan sa pagtupi sa buhok.
Nunot sa free haircut,duna usab gi-offer nga free lugaw ang mga PNP sa Police Regional Office-7.
Nakapahimulos niini ang mga naglinya samtang naghuwat sa ilang torno sa nagkadaiyang serbisyo.
Dili lang mga tiguwang ang nag-enjoy sa libreng lugaw apan hasta na usab ang mga bata, nalami-an usab.
