CENTRAL VISAYAS-Padayun ang pagpanghatag sa Land Transportation Franchising and Regulatory Board (LTFRB) sa fuel subsidies sa mga drayber sa tibuok nasod.
Kini ang gitino ni Eduardo Montealto, ang Regional Director sa LTFRB-7, subay sa panawagan sa pipila ka alyansang groupo sa padayun nga pagsaka sa presyo sa lana.
Dugang pa, nga na transfer na ang pundo sa buhatan sa LTFRB-7, apan aduna pay pipila ka mga drivers ang wala pa mahatagan, butang nga ilaha kining gipang follow-up, ilabi na nga wala usab silay kasayuran kung nahatagan naba ang mga jeepney operators ug transport groups.
Una niini ang Land Transportation Franchising and Regulatory Board (LTFRB) niingon nga dul-an na sa 60,000 ka mga drayber sa tibuok nasod ang nakadawat og subsidyo sa gasolina sugod niadtong Biyernes.
Kung diin adunay pundo nga gigahin sa 1.36 milyones ka benepisyaryo.
Matud pa ni LTFRB technical division head Joel Bolano, nga ang mga tricycle driver ug delivery riders wa pa makadawat sa ilang subsidyo sanglit ang ilang mga listahan giproseso pa sa Department of the Interior and Local Government ug Department of Transportation.
