Gatusan ka mga Judio (Jews) ang nagprotesta ug nagpundok sa Trump Tower sa New York City aron ipahayag ang suporta sa mga Palestinian ug kang Mahmoud Khalil, usa ka Palestinian nga aktibistang estudyante nga gidakop sa mga awtoridad.
Ang protesta milungtad og kapin sa usa ka oras ug nahitabo sulod sa sikat nga Manhattan skyscraper nga gipanag-iya sa Trump Organization ug sa personal nga balay ni US President Donald Trump.
Ang mga nagprotesta nagsul-ob og parehas nga pula nga T-shirt nga mabasa nga “Jews say stop arming Israel” ug giorganisar sa Jewish Voice for Peace.
Ang mga guwardiya ug pulis natingala sa dihang ang mga demonstrador nagsugod sa pagsulti ug paghupot sa mga slogan, lakip ang “fight Nazis, not students,” nga nagtumong sa pagdakop sa administrasyon ni Trump sa mga langyaw nga estudyante nga nalambigit sa mga pro-Palestinian nga mga protesta.
Tungod niini, 98 ka mga tawo ang nasikop sa mga kaso lakip na ang trespassing.
Ang mga demonstrador gi-eskort sa mga bus sa atubangan sa Trump Tower, nga adunay mga helicopter ug drone nga nagbantay sa ibabaw.
Samtang, sa Columbia University, diin nagtuon si Khalil, gipahibalo sa mga administrador sa unibersidad nga ang mga estudyante nga nalambigit sa mga protesta batok sa mga aksyon sa Israel sa Gaza sa miaging tuig nakadawat mga administrative sanctions, lakip ang mga pagsuspinde, temporaryo nga pagkansela sa mga degree, ug pagkataktak gikan sa unibersidad.
Ang iyang pag-aresto nakapukaw sa usa ka dugay na nga backlash gikan sa mga kritiko sa administrasyon ni Trump, lakip na ang mga tigpasiugda sa kagawasan sa pagpahayag, kinsa nag-ingon nga kini usa ka hulga sa katungod sa freedom of speech.
