Nakakaon na og kadaogan ang pambato sa Pilipinas human gipildi sa Gilas Pilipinas ang Iraq, niadtong Sabado, Agosto 9, nga nahimong yawi aron maka-abante sa playoffs ug mangita og luna sa quarterfinals sa 2025 FIBA Asia Cup.
Nahuman ang maong duwa sa iksor nga 66-57, ug nanghawd niini mao si Dwight Ramos ilabi na sa 3rd quarter nga gipakubol sa Pilipinas ang iskor nga 22-7.
Nidugang og 21 puntos si Ramos, lakip ang tulo ka three-points, samtang niamot og nuybe puntos si AJ Edu.
Apan bisan tuod og nag-rally ang Iraq sa kataposang kwarter sa duwa ug giputol ang gintang ngadto sa 57-50, ang Gilas nipatigbabaw gihapon ug nidaog sa unang duwa sa torneyo.
Sa kinatibuk-an, si Ramos nakaani og 21 points, Edu 9 points, Brownlee 8 points, Fajardo 6 points, Tamayo 6 points, Newsome 4 points, Quiambao 4 points, Oftana 3 points, Perez 3 points, ug si Aguilar 2 points.
