Dili ihangol sa gobyerno ang bisan unsang tabang nga mahatag sa mga sektor nga nanginahanglan niini, subay sa mga probisyon sa balaod.
Kini ang gipahayag ni Communications Usec. Claire Castro, nunot sa kasagmuyo sa pipila ka transport groups tungod kay wala madayon ang pag-apod-apod sa fuel subsidy.
Matud niini nga adunay mga higayon nga sa ingon niini nga kahimtang, ang Presidente dili dayon makadesisyon tungod kay nagdepende kini sa kasamtangang kahimtang. Apan ang gobyerno nagpadayon sa pag-monitor kung unsa ang nahitabo sa isyu sa Israel ug Iran.
Ingon man nga gipasiugda sa opisyal nga nasayod ang tanan nga prayoridad ni Presidente Ferdinand Marcos Jr. ang kaayohan sa mga drayber sa pampublikong transportasyon.
Mipasalig usab nga gihimo sa administrasyon ang tanan aron mahatagan sa gikinahanglan nga suporta.
Hinuon, matud niya adunay mga lagda nga kinahanglang sundon sa pag-apod-apod sa fuel subsidy nga nalatid sa balaod.
Buot ipasabot nga kinahanglang moigo una og 80 dolyares matag baril ang presyo sa lana sa kalibotanong merkado sa dili pa ma-trigger ang pag-apod-apod sa fuel subsidy.
