Nipasalig ang Palasyo sa Malacañang nga ang gobyerno magpadayon sa pagpaningkamot nga mapauswag ang kalidad sa kinabuhi ug trabaho sa matag Pilipino.
Kini nunot sa pagpagawas sa usa ka report sa World Bank, diin ang Pilipinas nagpabilin nga usa ka “lower middle-income country.”
Matod ni Palace Press Officer and Communications Usec. Claire Castro, wala pa nakab-ot sa nasud ang status nga “upper middle-income country,” apan niingon siya nga nilambo ang economic status sa nasud tungod kay miuswag usab ang gross national income sa Pilipinas sukad sa miaging tuig.
Dugang pa niini nga palambuon sa gobyerno ang ubang pangandoy sa presidente aron molambo pa ang ekonomiya sa nasud ug molambo usab ang kahimtang sa atong katawhan.
Gibutyag ni Castro nga ang economic team nagkugi aron maseguro nga magpabiling lig-on ang ekonomiya sa Pilipinas ubos sa administrasyong Marcos.
