CEBU – Mamahimong makapanalipod sa utok ug spinal cord sa usa ka tawo ang taas nga level sa good cholesterol batok sa Alzheimer’s disease.
Gipresentar sa usa ka pagtuon ang unang higayon nga ang gagmayng hDL particles sa utok naihap.
Sigon pa ni study co-author Dr. Hussein Yassine, usa ka associate professor of medicine and neurology sa University of Southern California’s Keck School of Medicine sa Los Angeles, nga gi-analisar sa iyahang mga kaubanan ang concentrations sa high-density lipoproteins (HDL) o mas giila nga good cholesterol nga anaa sa cerebrospinal fluid sa 180 ka himsog nga mga boluntaryo nga adunay average nga edad nga dul-an 77 anyos.
Gisumpay sa pagtuon ang mas taas nga gidaghanon sa gagmay nga mga partikulo sa HDL sa cerebrospinal fluid nga adunay duha ka importanteng timailhan nga mahimo makapanalipod batok sa Alzheimer’s.
Usa sa mga timailhan mao ang mas maayo nga performance sa mga pagsulay sa memorya ug panghunahuna o cognitive skills.
Ikaduha mao ang protective affect diin ang indibidwal nga adunay mas taas nga lebel sa gagmay nga mga partikulo sa HDL adunay mas taas nga lebel sa usa ka peptide nga gitawag amyloid beta 42 sa ilang cerebrospinal fluid.
