CEBU CITY – Luyo sa malipayon ug mabulukong personalidad ni Maribeth Bas, 37 anyos, ang magtutudlo sa Pardo National Highschool, Grade 7 adviser kinsang nagviral sa internet tungod sa iyang makalingaw nga make up tutorial, duna diay kini masulob-on nga kagahapon.
Sa programa sa Bombo Radyo nga Goodmorning Philippines (GMP), gipaambit ni Bas ang iyang storya sa kinabuhi kung diin sa iyang pagkakomedyante walay magdahom nga binayaan diay kini sa iyang ginikanan sa dihang gamay palang ug gibuhi kini sa iyang iyaan.
Nagdako si Bas nga dili haruhay, gani bisan unsa nalang nga mga sideline ang iyang gibuhat sa bata pa nga edad para lang naa siyay maplite padulong sa eskwelahan.
Dinhi matud pa siya nakakat-on sa paghimo og ‘tamarindo’ nga nadala na niya nga negosyo hangtud karon. Iya gyud kining gipasigarbo sanglit nakatabang kini sa iyang kalampusan diin hingpit na siyang nahimong usa ka magtutudlo.
Iya pa nga gitawag iyang kaugalingon nga “Tamarindo Warrior”.
Sa iyang video nga make up tutorial, wala magdahom si Bas nga mamahimo kining “hit” sa mga nitezens sanglit tumong lamang unta niya nga makahatag og good vibes.
Gitataw ni Bas, nga nalipay lang siya sa nahitabo karon nga daw sama siya nga nahimong instant celebrity. Kung duna man matud pay musaway ug dili malipay sa iyang gipadayag nga personalidad iya kining respetohon.
Sa laing bahin, gitataw ni teacher Bas nga dili gamay og sweldo ang mga maestra. Kini human nga namention sa iyang viral video ang pulong nga “increase” nga dunay dalang komedya.
Gitino niini, nga ang makapasagmuyo lang sa mga maestra mao ang mga saad sa gobyerno hayan iya nalang gipaagi sa goodvibes video ang sama niya nga yango-ngo.
Apan isip usa matud pa ka maestra, wala kini sama nga propesyon bisan paman sa kalisod nga daghang klase sa estudyante ang atubangon, ‘fulfilling’ sa gihapon ang bation ni Bas.
Hangyo lang usab ni Bas sa mga ginikanan sa mga estudyante nga mukooperar usab para sa ikalambo sa bata nga iyang gitudlu-an.
Tambag usab ni teacher sa mga ‘aspiring ones’ karon diin bago lang nahuman ang unang schedule sa LET, nga maningkamot sa natad sa propesyon nga ilang gipili ug dili mu ‘give up’.
Nagpasalamat si Bas sa mga nitezens nga nalingaw sa iyang video ug nagkomedya pa kini nga sa bisan paman og biniyaan siya sa iyang ginakanan,wala siya nagbasol kay kung dili pa tungod, niini dili siya sa mag ‘viral’
Labaw sa tanan, mas midaghan matud pa ang iyang mga customer sa tamarindo tungod sa iyang video.
