Andam na sa iyang pasundayag si Cebu Governor Pamela Baricuatro, sa pagsayaw sa Sinulog 2026 kauban ang mga guest contingents sa Dakbayan sa Danao.
Matud ni Baricuatro, nga subsob na ang iyang pagpangandam sa nakalbayng adlaw alang sa giatngan nga tinuig nga pasundayag og paghalad sa balaang bata Snr. Sto. Nino.
Sigon usab sa gobernadora, nga ang mga dagkong dinapit nga mga opisyal hilabi na gikan sa kaulohan nga adunay gi-andam nga lunch-celebration nga gi-andam sa Kapitolyo.
Gumikan kay mihangyo si Cebu City Mayor Nestor Archival, nga sa Kapitolyo lang padayunon ang mga VIPs gumikan usab kay walay klarong kabutngan ang mga bisita sa City Hall.
Dugang usab niini nga wala ka preparer ang Dakbayan gumikan sa mga panghitabo usab sa pagdahili sa Binaliw Landfill.
Gihimug-atan usab sa gobernadora nga nagmalinawon ang pagpangandam sa mga organizers sa tanang bahin sa Sinulog, gumikan kay matud pa adunay division of work.
Sa bahin usab kung mo sayaw ba si Mayor Archival sa Sinulog, wala pa usab nahibaw-i niini apan nanghinaot kini nga mo sayaw usab ang Mayor.
Nagmalaumon usab si Baricuatro nga unta magmalinawon ang pagsaulog sa kapistahan sa balaang bata Snr. Santo Nino og nanghinaot nga mahimong responsable og magma-abi-abihon ang mga sugboanon sa mga turista og bisita.
