CEBU CITY-Pormal nang gi-ablihan kagahapong adlawa sa Lunes Hulyo 29, 2024 ang Guba Community Hospital nga usa ka Extension Heathcare Facility Unit sa Cebu City Medical Center.
Gipangulohan ang seremonyas sa blessing ug ribbon-cutting nila Cebu City Acting Mayor Raymond Alvin Garcia, Acting Vice Mayor Dondon Hontiveros, mga konsehales nga sila Jocelyn “Joy” Pesquera, Noel Wenceslao, Jun Alcover, Francis Esparis, representate gikan sa DOH-Central Visayas, Guba Community Hospital Director Dr. Grace Valdez, ug ni Cebu City Medical Center-OIC Dr. Peter Mancao.
Ang naasoy nga community hospital, nga hingpit nga gipundohan sa Department of Health ug nahimutang sa bukirang bahin sa dakbayan sa Sugbo, nagtumong sa paggamit sa pag-atiman sa panglawas niini aron mahatagan og accessibility ug maatiman ang mga residente sa barangay ug kasikbit nga mga dapit nga dili na kinahanglang mobiyahe og layo padulong sa sentro sa dakbayan.
