METRO MANILA-Gibutyag sa Philippine Statistics Authority (PSA) nga ang P13,873 matag buwan nga budget sa usa ka pamilya nga gilangkoban sa 5 ka miyembro igo na sa pagsuplay sa ilang basic food ug non-food requirements sa miaging tuig.
Base sa 2023 official poverty statistics, ang PSA nagkanayon nga ang usa ka pamilya nga adunay 5 ka miyembro makonsiderar nga dili kabus kung ang ilang minimum nga gasto sa pagkaon ug non-food items ubos sa P13,873 matag buwan.
Apan dugang pa sa PSA nga lainlain ang poverty threshold sa matag rehiyon sa nasud tungod kay dili managsama ang bayronon ug gasto.
Diin ang poverty threshold sa Metro Manila mas taas og gamay sa P15,713, sa Central Luzon ug Calabarzon anaa sa P16,046 ug P15,457 matag-usa.
Ang pinakaubos nga poverty threshold anaa sa Soccsksargen sa Mindanao nga anaa sa P12,241.
Gitaho usab sa ahensya nga ang nasudnong poverty incidence sa mga pamilya sa miaging tuig anaa sa 10.9% o katumbas sa 2.99 ka milyon nga pamilyang Pilipino nga walay igong kita aron mahatagan ang ilang mga batakang panginahanglan sa pagkaon ug uban pang dili pagkaon.
