Giangkon ni Heart Evangelista nga gikulbaan kini sa iyang ‘new world’ isip bag-ong presidente sa Senate Spouses Foundation Inc. (SSFI).
Bisan paman nga mipasalig ang iyang bana nga si Senate President Francis “Chiz” Escudero nga motabang sa iyang tahas sa ilang organisasyon apan, wala gihapon kini nakaikyas sa iyang gibati nga kulba.
Gahapon sa buntag nanumpa na kini isip bag-ong presidente sa Senate Spouses Foundation Inc. nunot sa awtomatikong pagtangtang kang Audrey Zubiri isip SSFI head sa dihang ang iyang bana nga si Senador Juan Miguel Zubiri, gipalagpot isip Senate leader niadtong Mayo 20.
Nangayo usab kini og tambag sa iyang bana kon unsaon pagtuman sa iyang katungdanan ug ingon man nga OC kini o obsessive-compulsive kung detalye ang hisgutan.
