CEBU CITY-Natumbok na sa mga awtoridad ang hinungdan sa grabeng pagtaas sa natalang kaso sa dengue sa Barangay Hipodromo ning dakbayan sa Sugbo.
Kini atol sa gipahigayong ocular inspection ug assessment sa mga sakop sa Task Force Gubat sa Baha, Office of the Building Official (OBO), City Engineering Department, Cebu City Councilor Jerry Guardo kinsa chairman sa Committee on Infrastructure sa Cebu City Council ug sa mga opisyales sa kagamhanang barangay sa Hipodromo niadtong Biyernes Nobyembre 15, 2024.
Matod pa nga adunay natumbok nga “stagnant water” sa maong dapit nga hinungdan sa 20 nga aktibong kaso sa dengue nga naglangkob sa 12 ka mga bata.
Sa pamahayag ni Councilor Guardo nga tungod sa usa ka developer sa doul nga dapit nga nakapabara sa drainage hinungdan nga ang mga waste water ug mga tubig uwan sa panahnn nga mubunok kini kay magpundo ang tubig nga kapangitlogan sa mga dengue carrying mosquito.
Ingon man nga rekomendasyon ni Councilor Guardo ang sa pagdili pagrelease og fencing permit sa developer hangtod masulbad ang isyu.
Kahinumduman nga ang dakbayan sa Sugbo nakatala ug taas nga kaso sa dengue kun itandi sa nakalabayng nga tuig 2023.
