Gikwestiyon ni Senador Risa Hontiveros ang Department of the Interior and Local Government (DILG) kon tinuyo ba niini ang pagpasaka og huyang nga kaso aron madismiss sa ilang kustodiya ang gitaktak nga mayor sa Bamban nga si Alice Guo.
Matod ni Hontiveros, nga irregular kaayo ang nahitabo.
Tungod niini, nisuwat si Hontiveros sa Regional Trial Court Branch 109 sa Capas, Tarlac ug sa Philippine National Police Custodial Center aron patambongon si Si Guo sa Senate hearing sa Lunes, Setyembre 9, 2024.
Giaprobahan usab sa korte ang hangyo ni Hontiveros nga motambong sa Senate hearing.
Dugang sa Senadora nga ang nasuspenso nga mayor giingong ipadala sa Senado human maproseso si Guo sa National Bureau of Investigation (NBI) o PNP.
Giinsistir pa niini nga kinahanglan ang Sandiganbayan maoy mohupot sa kasong graft and corruption batok sa mga dagkong opisyal sama ni Guo.
Matod sa legal counsel ni Guo, nga si Atty Stephen David, sa iyang opinyon, mas gipili ni Guo nga magpabilin sa Senado tungod kay si Shiela Guo natanggong sa Senate detention facility.
Apan matud niya nga wala siya’y gahum sa pagpalit ug desisyon kini sa Korte.
Samtang, tungod kay gikatakda na karong Lunes ang pagdungog sa Senate Committee on Women, Children, Family Relations and Gender Equality, gusto ni David nga motambong sa hearing ang iyang kliyente.
