Lagmit nga mopahigayon og regular press briefing ang House prosecution panel sa higayon nga magsugod na ang impeachment trial batok kang VP Sara Duterte.
Sumala sa tigpamaba sa panel nga si Zia Alonto Adiong, gitun-an na sa mga prosecutor ang posibilidad sa pagpahigayon sa maong briefing, isip kabahin sa usa ka information campaign aron mapasabot sa publiko ang nahitabo sa pagdungog.
Tumong usab sa panel nga malikayan ang bisan unsang kalibog bahin sa mga legal nga isyu nga naglibot sa tibuok proseso.
Gipaabot sa panel nga ang serye sa mga hearing mahimong taas ug ang publiko siguradong mag-focus sa tibuok trial.
Gawas sa media, gusto usab sa panel nga direktang makigsulti sa publiko ug motubag sa ilang mga pangutana.
Karon gitun-an sa panel ang eksaktong pormat sa mga briefing nga ipahigayon diin ang mga prosecutor gusto nga maghatag og regular nga mga update, pagklaro sa mga proseso, mga proyeksyon ug pag-uswag sa kaso, ug uban pa.
Gikanayon nga ang mga prosecutor nahibalo sa gilapdon sa interes sa publiko ug gusto nila nga ipadayon kana nga interes pinaagi sa regular nga pagpakatap sa impormasyon.
