PALIG-ONON pa ang monitoring sa mga sakop sa Cebu City Police Office (CCPO) batok sa mga durugista sa dakbayan pinaagi sa high-end nga teknolohiya.
Sa eksklusibong interview sa Bombo Radyo kang CCPO Director Police Colonel Gemma Vinluan, kini nagkanayon nga kinahanglang magbutang og mga modernong gamit sa pantalan aron dili makalusot sa Sugbo ang ginadiling drugas.
Gikinahanglan usab sa CCPO ang “target hardening” ug coordination sa mga sakop alang mas hugot nga monitoring batok sa mga durugista.
Matud ni Vinluan nga migamit ang iyang mga sakop og maayong estratehiya aron masikop ang mga nagtagu-tagong druglords ug high value target sa dakbayan sa Sugbo.
Samtang gipasalamatan ni Vinluan ang liderato sa PNP sa Central Visayas pinaagi ni Regional Police Director Brigadier General Debold Sinas tungod sa mainiton nga suporta ngadto sa iyang mga sakop.
Tambag pa sa City Police Director nga mas mag-focus na lang sa trabaho ug dili magpaapekto sa kontrobersiya sa liderato sa PNP.
Gihimug-atan ni Vinluan nga tarungon lang gayud ang trabaho ug dili mahadlok sa mga kriminal. (GN)
