Giklaro sa International Criminal Court (ICC) nga wala pa silay gipagawas nga hukom sa interim release ni kanhi Presidente Rodrigo Duterte.
Ingon man nga ang naasoy nga hangyo nga gisang-at niadtong Hunyo diin natanggong pa sa international tribunal.
Matod sa tigpamaba sa ICC nga si Fadi El Abdallah, ilang giluwatan ang pamahayag human mikaylap ang balita nga naaprobahan na ang interim release sa kanhi presidente.
Ila usab nga gipasalig nga ilang gibantayan ang pisikal ug sikolohikal nga kahimtang sa tanang mga detainees.
Samtang, gisaway sa Malacañang ang kampo ni kanhi presidente Rodrigo R. Duterte tungod sa pagtuis sa mga kamatuoran kalabot sa iyang hangyo alang sa interim release gikan sa kustodiya sa ICC.
Kini human ang legal counsel ni Duterte nga si Nicholas Kaufman, sa usa ka gi-redact nga dokumento nga pinetsahan og Setyembre 26, ni-relay ngadto sa Pre-Trial Chamber 1 sa ICC sa giingong posisyon sa gobyerno sa Pilipinas, sa pagkutlo sa bag-ong pamahayag nga gihimo ni Palace Press Officer Claire Castro.
