Gi-schedule karong adlawa ang Confirmation of Charges batok kang Former Philippine President Rodrigo Roa Duterte sa International Criminal Court (ICC) sa The Hague, Netherlands.
Subay niini, eksklusibong gikab-ot sa Bombo Radyo Cebu Newsteam ang habig ni Atty. Remeses Victorious Villagonzalo, ang ICC accredited Lawyer, kini aron mas mapalapdan ug mapasabot pa ang maong hisgutanan.
Atol sa pakighinabi kang Atty. Villagonzalo, iyang giklaro nga nakabutang sa Article 61 of the Rome Statute, adunay katungod ang dili motumaw o mopakita ang gikiha atol sa hearing.
Apan, tataw pa ni Atty. Villagonzalo, kung buot huna-hunaon, kung gikiha ang usa ka indibidwal, gikinahanglan untang moatubang kini, pero tungod sa Article 61 of the Rome Statute, nahatagan og katungod ang gikiha nga mo-waive atol sa hearing.
Dugang pa ni Atty. Villagonzalo, adunay gitagana nga upat (4) ka adlaw ang ICC para sa Confirmation of Charges hearing sa kanhi Presidente, diin sa ang mahitabo sa Enero 23, 24, 26, ug 27, ang tanan nga ilakip sa Confirmation of Charges hearing, mapa ni-surrender man o nadakpan, walay i-confirm nga mga charges hearing nga mahitabo sa mga tao kung walay jurisdiction gikan sa ICC, nga nagpasabot.
Busa, gihinomdoman ni Atty. Villagonzalo nga si Duterte kaniadto gidakop sa Interpol Manila, mao nga atol sa Confirmation of Charges hearing karong adlawa, adunay mahitabo nga matawag nga opening statement, diin aduna kini tulo ka partido. Una niini, ang Office of the Prosecutor, Defense team, ug ang Victims representative council.
Dugang pagtino ni Atty. Villagonzalo, unang mahitabo ang opening statement diin ang prosecutor ikombinser ang Pre Trial Chamber nga adunay makatarunganong basehan ug gikinahanglang masang-at o mapasar sa Pre Trial Chamber.
Sunod niana mao ang Defense team nga kinsa natural usab nga matang nga mosukwahi sa kung unsa ang pamahayag sa opening statement sa Office of the Prosecutor, sama nalang sa pagpamatuod nga gikidnap ang kanhi presidente nga walay hurisdiksyon ang ICC, ug himug-atan nga ipa-drop ang kaso ug ipa at larga na ang ilahang kliyente.
Samtang ang Victims representative council mao usab ang mopahayag sa isig ka yangu-ngo sama sa namatyan sila, naabuso ug uban pa subay sa polisiya nga gipahamtang kaniadto ni Duterte.
Samtang, gisubli’g tataw ni Atty. Villagonzalo nga human sa opening statement, ang prosecutor mopagawas kini’g ebidensya nga nalikom ubos sa administrasyon ni Duterte.
Sa katapusang adlaw sa Confirmation of Charges hearing, adunay 60 ka adlaw nga gitagana alang sa Pre Trial Chamber aron pagatun-an ug mag-evaluate sa tanang nalangkob sa opening statement, evidence presentation, ug ang closing arguments.
Ingun man nga kung ugaling mo ingun ang Pre Trial Chamber nga gikompirmar nila ang mga kaso human sa 60ka adlaw nga ebalwasyon, makonsiderar na kini nga lain napud nga hugpong sa huwes.
Apan kung ugaling mo ingun ang Pre Trial Chamber nga ang ebidensya ug argumento sa prosecutor huyang, dili ikompirmar ang mga charges, ug idismiss ang kaso, ug imando nga gawasnon na ang persona nga gikiha.
Sa pikas bahin, gitino usab ni Atty. Villagonzalo nga gihatagan usab og katin-awan niya nga ang unom (6) ka mga indibiwal nga motambong sa Confirmation of Charges hearing makatabang kini pamaagi sa moral nga aspeto.
Iyang giklaro nga maka-abag kini sa moral nga aspeto tungod kay higala kining unom (6) ka mga indibiwal sa kanhi presidente. Ingun man nga utokan kining 6 nga motambong sa hearing, busa matuohon siya nga aduna kini mga input nga ihatag sa lead council nga si Nicolar Kaufman, bisan paman nga dili kini accredited council sa ICC ang 6 kabuok personahe.
