Niabot na sa 140 ang gidaghanon sa mga naangol tungod sa pabuto karong holiday season, basi sa monitoring sa Department of Health (DOH) gikan sa Disyembre 21, Disyembre 30 gikan sa 62 ka sentinel hospitals, ug adunay 8 ka bag-ong kaso sa mga naangol sa susamang hinungdan.
Sumala sa ahensya, 95 sa mga biktima ang 19 anyos paubos, ug kadaghanan sa mga naangol tungod sa 5-star, boga, ug dili mailhan nga mga klase sa pabuto.
Samtang ang natala nga mga kaso sa mga naangol tungod sa pabuto karong tuiga mas ubos og 23% kon itandi sa 182 ka kaso nga natala niadtong 2024.
Busa, ang DOH nagtambag pag-usab sa publiko nga dad-on dayon sila sa ospital kung sila mabiktima sa pabuto o tawagan dayon ang National Emergency Hotline 911 alang sa emergency medical assistance.
