Nisaka ang ihap sa mga namatay sa nasud tungod sa sunod-sunod nga epekto sa bagyong Luis, bagyong Maymay, ug sa habagat.
Sumala ni Information Officer Diego Mariano sa Office of Civil Defense (OCD), niabot na sa 26 ang namatay gikan sa mga probinsya sa Benguet, Rizal, ug Batangas.
Gawas sa mga namatay, upat pa ang kasamtangang gipangita karon.
Tulo sa Benguet ug usa sa Batangas, samtang 15 ang nasamdan sa mga rehiyon sa Ilocos, Benguet, Rizal, ug Cavite.
Ang grabe nga panahon nagbilin usab ug dakong epekto sa panginabuhian ug kabtangan.
Ang OCD nag-ingon nga ang kinatibuk-ang kadaot sa imprastraktura miabot na sa P1.46 bilyon, samtang ang kadaot sa sektor sa agrikultura miabot sa P197 milyon.
Bisan pa, dili pa kini pinal ug mahimong modaghan pa sa umaabot nga mga adlaw.////
