Mikabat na sa labing menos 19 ka mga tawo ang napatay sa Kathmandu, Nepal tungod sa pagdili sa mga plataporma sa social media nga miresulta og lapad nga pagpahigayon og portesta sa kadalanan.
Kini nunot sa kasuko sa mga residente, ilabina ang mga batan-on, sa desisyon sa gobyerno nga i-dili ang social media, ingon man ang kaylap nga korapsyon.
Wala nagduha-duha sa paggamit ang mga awtoridad sa tear gas ug mga bala sa goma human ang mga nagprotesta misulay sa pag-atake sa parliament building.
Ingon man nga gawas sa natalang mga namatay kay moabot sa 100 ka mga tawo, lakip na ang mga pulis, ang naangol sa maong insidente.
Kahinumduman nga ang desisyon sa gobyerno nga babagan ang pag-access sa mga platform sa social media, diin 90 porsyento sa kapin 30 milyon nga mga tawo sa Nepal ang naggamit sa internet ug social media, nga nakapukaw sa kasuko sa mga batan-on.
Apan, gipasabot sa gobyerno nga gipatuman nila ang pagdili tungod kay napakyas sila sa pagparehistro sa mga awtoridad gumikan sa sayop nga paggamit niini, lakip na ang pagdagsang sa mga troll account nga nagpakaylap sa mga fake news ug scam.
