VIETNAM-Miabot na sa kapin 140 ang gikatahong namatay sa Vietnam gumikan sa Bagyong Yagi samtang anaa a 54 ka tawo ang nagpabiling missing.
Diin mokabat dul-an 60,000 ka mga residente sa Yen Bai province ang napugos usab sa pagbakwit sumala sa lokal nga mga awtoridad human sa dul-an 18,000 ka mga panimalay ang nalubog sa baha.
Ang tubig baha sa Hanoi, ang kaulohan sa Vietnam kay niabot sa lebel nga wala pa masinati sukad niadtong 2008.
Aduna usab pipila ka mga dapit sa lalawigan sa Thai Nguyen nga kutob sa liog ang tubig baha.
Sa pagkakaron, nagpadayon sa pagpangita ang mga otoridad alang sa mga nga nawala usab human ang tulay sa Phong Chau sa Red River sa sentro sa Hanoi nahugno kaniadtong Martes.
Ingon man nga naluwas ang 5 ka tawo nga nagtabok sa taytayan sa dihang nahitabo ang insidente.
