MANILA,PHILIPPINES-Nagmalampuson ang 7th Philippine Navy-Vietnam People’s Navy Personnel Interaction nga gipahigayon sa Southwest Cay (Pugad Island) sa WPS.
Sumala sa Phil Navy, nga gitambungan kini sa Phil Navy Fleet-Marine contingent nga gipangulohan sa Deputy Commander for Marine Operations, Naval Forces West, Colonel Enstein B Calaoa Jr PN(M)(GSC) ug sa Vietnam People’s Navy contingent nga gipangulohan ni Naval Region 4 Deputy Commander, Senior Captain Ngo Dinh Xuyen.
Pipila sa mga kalihokan nga nalakip niini mao ang regional maritime security updates, Staff-to-Staff talk, kooperasyon tali sa duha ka navy alang sa rescue operations, ug uban pa.
Aron mapalig-on pa ang relasyon sa duha ka navy, aduna usab sports competition tali sa mga kawani sama sa football, tug-of-war, ug sack race.
Ang duha ka navy nagkasabot usab nga magpahigayon og laing kooperasyon sa umaabot nga mga tuig.
Matod sa Phil Navy, ang regular nga Personnel Interaction tali sa duha ka navy siguradong makapalig-on sa relasyon sa duha ka nasud.
