CEBU – Labing adunahan nga lalawigan sa nasod ang Probinsiya sa Sugbu, Ilabi na karun nga mas dako ang kita niini sa unang bahin sa 2022 kon itandi sa miaging tuig.
Sa datus sa Provincial Treasurer’s Office nagpakita nga ang Kapitolyo nibutang og kita nga P3.6 bilyones gikan sa Enero hangtod Hunyo 2022.
Mas taas kini og 34.99 porsiyento kon itandi sa P2.6 bilyones nga nahimo sa samang panahon sa miaging tuig.
Ang bahin sa probinsiya sa Internal Revenue Allotment (IRA) padayong maoy pinakadakong tinubdan sa kita, nga P2.9 bilyones, samtang ang IRA karong tuiga naa sa 43-porsiyento nga pagtaas gikan sa P2 bilyon sa 2021.
Sa unang unom ka buwan sa 2022, ang probinsiya nikita og dul-an sa P40 milyones gikan sa abang ug ubang bayronon sa CSBT, ug Nakakolekta usab og P90.1 milyones gikan sa mga tambalanan.
Subay niini, gipasidunggan ni Governador Gwendolyn Garcia ang kadagkuan sa Cebu Provincial Assessor’s office ug Cebu Provincial Treasurer’s Office, human gibayaw ang Probinsya sa Sugbo nga nag numero uno sa revenue collection efficiency sa tibook nasud.
Gihagit sa Gobernadora ang mga opisyal sa maong buhatan, nga e-maintain ang pag ka numero uno sa Probinsiya o di ba kaha palabwan pa ang ilahang target nga revenue collection.
