CEBU – Usa sa init nga hisgutan karong semanahona ang kabahin sa K-12 curriculum nga pipila lang ka tuig nga gi-implementar sa gobyerno.
Kini human gimandoan ni President-elect Bongbong Marcos si VP Sara Duterte nga i-review ang maong implementasyon gumikan sa mga isyu niini.
Gumikan niini, naka-ani kini og daghang reaksyon, ilabi na sa mga ginikanan nga maoy mismong nagpa-eskwela sa ilahang mga anak, adunay uban nga uyon nga ipadayon ug aduna usay uban nga supak ug gustong tangtangon.
Subay niini, gibutyag ni Dr. Dan Salud, usa ka ginikanan ug usa ka magtutudlo, ang iyahang pag-uyon sa maong curriculum.
Diin matod pa ni Salud, dili angayang tangtangon ang maong curriculum ug angayan nalang kini pasagdan gumikan sa tinud-anay makapabor kung kini tangtangon apan ang edukasyon dili kabayran ilabi na nga maghatag kinig pagpangandam sa mga tinun-an.
