Japan, nagpaabot og pahasubo sa mga biktima sa 7.8 nga linog sa Mindanao

Nagpaabot og pahasubo si Japanese Prime Minister Sanae Takaichi sa mga biktima sa magnitude 7.8 nga linog nga miigo sa pipila ka bahin sa Mindanao sa Pilipinas gahapon Lunes sa buntag, Hunyo 8.

Sa usa ka post sa X (kaniadto Twitter), miingon si Takaichi nga siya nasubo pag-ayo sa mga taho sa kaylap nga kadaot, lakip na ang pagkahugno sa pipila ka mga estruktura sa rehiyon.

Gipahayag usab niya ang iyang pahasubo sa mga pamilya sa mga namatay ug sa tanang naapektuhan sa maong trahedya.

Gipasalig usab niya nga andam ang Japan nga mohatag og dugang nga tabang sa Pilipinas depende sa panginahanglan sa mga apektadong lugar.

Gipasiugda niya ang padayon nga panaghiusa ug kooperasyon sa duha ka nasod ilabi na sa panahon sa mga katalagman.