Jhonn Marc Dizon sa Central Visayas, malampuson sa men’s 3,000 meters steeplechase title sa PRISAA

Midepensa si Jhonn Marc Dizon sa Central Visayas sa men’s 3,000 meters steeplechase title sa Private Schools Athletic Association (PRISAA) National Games sa Cagayan Sports Complex track and field stadium.

Diin mioras kini og 10 minutos ug 0.9 segundos aron pildihon sila Ken Jay Moreto sa Western Visayas ug Francis Michael Pueblo sa Western Visayas.

Matud 22-anyos nga estudyante sa Special Education sa University of San Carlos sa Cebu nga nakatutok ang iyang training sa
3000m steeplechase tungod kay nasayod kini nga maayo siya sa naasoy nga event.

Ingon man nga determinado kini nga modaog inay dako ang iyang kalipay nga nakab-ot niya ang iyang tumong.