June Mar Fajardo, gikatakdang isubasta ang iyang unang MVP trophy aron itabang sa mga biktima sa bagyo sa Sugbo

Gikatakdang isubasta sa nine-time PBA Most Valuable Player nga si June Mar Fajardo ang iyang unang MVP trophy.

Matod niya nga ang pundo nga matigom gikan niini idonar aron matabangan ang mga naapektuhan sa Bagyong Tino sa Cebu, diin siya natawo.

Ang 35-anyos nga si Fajardo miingon nga nakapili siya sa iyang unang MVP trophy tungod kay kini resulta sa iyang kakugi sa pagdula og basketball.

Naa pa lang siya sa iyang ikaduhang tuig sa PBA sa dihang nakadaog siya sa award ug ang mga Cebuanos kay duol sa iyang kasingkasing.