CEBU CITY- Mangayo ug tabang ang Kagamhanan sa Dakbayan sa Sugbo, sa Department of Environment and Natural Resources alang sa paghangyo sa ubang Local Government Units alang sa temporaryong kalabayan sa basura nga makuha sa adlaw sa Sinulog 2026.
Matud ni Cebu City Mayor Nestor Archival, nga makig-alayon sila sa buhatan sa DENR aron tabangan ang Dakbayan sa paghangyo ngadto sa kasilinganang LGUs nga temporaryong butangan sa mga basura nga makuha sa mismong adlaw sa Sinulog, kini human nga midahili ang landfill facility sa Barangay Binaliw 1 sa Dakbayan sa Sugbo.
Sigon usab ni Archival nga kinahanglang ipatuman na gayud sa Dakbayan ang hugot nga papatuman sa No segregation No Collection Policy, hilabi na nga posibleng limitado ra ang pagkolekta sa basura sa Dakbayan, hinungdan nga nakig-alayon ang kagamhanan sa 5 ka mga lugar nga adunay landfill aron nga matubag ang problema sa basura.
Nasuta sa kagamhanan nga aduna nay posibleng labayanan sa basura, mao ang landfill sa Minglanilla og sa lungsod sa Consolacion og gilauman nga temporaryong mokolekta sa 15 ka adlaw.
Samtang, gibana-bana nga adunay 500 ka tonelada sa basura ang makolekta sa Dakbayan matag-adlaw.
