Naka-alerto ang kagamhanan sa Dakbayan sa Sugbo, ngadto sa ikaduha nga pinakataas nga lebel, hinungdan nga gisuspinde ang mga klase, ug gipa-andam ang tanang 80 ka mga barangay alang sa hingpit nga pag-abut sa Tropical Depression Verbena.
Kini human nga nagkadoul na ang Bagyo og inanay nga nakaapekto sa pipila ka nga lugar.
Gimandoan usab ni Cebu City Mayor Nestor Archival ang pagpasuspenso sa tanang face-to-face nga klase sa mga pampubliko ug pribadong eskwelahan niadtong Lunes, Nobyembre 24, nga nagmando sa mga institusyon nga mobalhin ngadto sa modular o asynchronous learning modes.
Naka-alerto ang tanang personahe sa disaster, rescue, engineering, medical, traffic, ug barangay teams naka-andam usab ang mga evacuation center.
Nakastandby usab ang mga clearing operations sa mga bukirang barangay nga posibleng makasinati sa pagdahili sa yuta.
Giawhag usab ni Cebu City Councilor Dave Tumulak, ang mga residente nga mobakwit hilabi na katong mga anaa sa mga risgo nga mga lugar og kasapaan.
Dugang usab ninii nga prayoridad nga e-rescue sa kagamhanan ang mga bata, hamtong og mga nagsabak.
Samtang, naka code-red na ang kagamhanan og nakaandam na ang mga rescuers ug heavy equipments alang sa posibleng mahitabo.
Sapikas bahin, Gikanselar ni Mayor Nestor Archival sa Dakbayan sa Sugbo ang iyang gikatakdang internasyonal nga pakigpulong sa Japan aron bantayan ang tubag sa siyudad sa Tropical Depression Verbena.
Gikatakda unta nga molupad si Archival paingon sa Yokohama sa Lunes sa gabii aron mamulong sa Smart Cities Conference, usa ka internasyonal nga forum bahin sa teknolohiya, paglihok, ug kalig-on sa klima.
