CEBU CITY- Nagpadayon sa pagplano ang kagamhanan sa dakbayan alang sa mas maayong crowd control alang sa Sinulog 2026.
Mipaambit si Mayor Nestor Archival sa usa ka press conference niadtong Oktubre 20, 2025 nga ang mga panagtapok sama sa mga party ug mga konsyerto gitugotan atol sa Sinulog 2026 basta anaa sa gawas nga bahin sa dakbayan sa Sugbo.
e-finalize ang ubang mga regulasyon human sa konsultasyon ni Cebu City Councilor Paul Labra, Chairperson sa Committee on Peace and Order.
Naghan-ay na sab ang kagamhanan sa dakbayan og inisyal nga mga plano aron moluag ang trapiko atol sa Sinulog 2026, lakip na ang mga bus nga nagserbisyo sa amihanan ug habagatang bahin sa dakbayan.
Sa miaging tuig, gibana-banang upat ka milyon ka mga tawo ang nitambong sa nagkadaiyang kalihukan sa tibuok dakbayan sa Sugbo atol sa festival proper.
Gihimug-atan usab ni Mayor Archival nga sa tibuok proseso sa pagplano, unahon sa gobyerno ang kaluwasan sa tanang mga partisipante ug mga nanambong, ilabi na taliwala sa mga hulga sa linog ug risgo sa paghuot sa tawo.
