CEBU – Seryuso ang kagamhanan sa Probinsiya sa Sugbu nga kasohan ang kadagkoan sa Department of Public Works and Highways (DPWH7) kung ugaling magmagahi kini sa pagpakig settle sa contractor sa underpass and road widening project sa UN Avenue sa Syudad sa Mandaue.
Ang maong bahad ni Cebu Provincial Governor Gwendolyn Garcia atol kini sa gipahigayong meeting sa iyang buhatan uban Ang kadagkoan sa DPWH7 pinangulohan sa ilang direktor nga si Engr. Jun Gregorio ug Ang kontraktor sa proyekto nga mao ang BM marketing pinangulohan ni Edgar Chu.
Una niini, gusto ni Governor Garcia nga makabaton ug pasiunang solusyon sa problema sa baha libaong nga dalan sa maong dapit Kay tulo katuig na kining gi agwanta sa mga motorista ug mga turista nga mobisita sa Sugbu.
Kung kahinumdoman nga nahunong Ang maong multi million project 3 katuig na Ang nakalabay human nga nagkinihaay ang DPWH ug Ang kontraktor niini human nga nipasangil ang DPWH sa kontraktor nga gi mao-mao niini ang ilang documento para makuha lang Ang proyekto.
