CEBU CITY – Magpadayun ang clearing operation sa kadalanan sa matag dakbayan ug kalungsoran sa rehiyon 7.
Kini ang gitataw ni DILG 7 Officer in Charge, Atty Ian Lucero, bisan pa man ug nahuman na ang deadline nga gitagana sa pagpalimpyu sa kadalanan.
Matud ni Atty. Lucero nga angayan nga imintinar sa mga LGU ang kahapsay ug kalimpyu sa ilahang mga dalan.
Gipasabut niini nga adunay police power ang matag LGU sa pagpanglimpyu sa ilahang kadalanan hayan aduna usab kini gahum sa paghatag ug alternatibo nga pamaagi alang sa mga apektado.
Samtang, gipahibalu ni Atty Lucero nga nahuman na ang ilahang validation ug gipasa na nila ang report ngadtu sa ilahang ulohan nga buhatan ug magpaabut na lang sila sa resulta sa mga nakapasar ug wala makapasar nga mga LGU sa rehiyon 7.
