-- ADVERTISEMENT --
Gipasiugda ni Lanao del Sur Rep. Zia Alonto Adiong nga ang impeachment complaint nga gisang-at batok kang Presidente Ferdinand “Bongbong” Marcos Jr. kay moagi sa gitakdang mga lagda sa Konstitusyon ug House Rules.
Sumala ni Adiong, ang pag-refer sa reklamo ngadto sa Committee on Justice aron susihon kung kini igo na ba sa porma ug substansiya nga usa ka sumbanan nga lakang.
Gipasalig niya nga kini nga proseso kabahin sa seryosong mekanismo sa Konstitusyon ug wala maghatag ug bisan unsang pagpihig sa resulta.
Giklaro usab ni Adiong nga ang temporaryong pagkawala ni House Secretary General Cheloy Garafil, kinsa kasamtangang anaa sa usa ka opisyal nga biyahe sa gawas sa nasud, dili makaapekto sa pag-uswag sa impeachment proceedings sa Kamara.
