CEBU CITY-Gumikan sa nagkahiduol nga Barangay ug Sangguniang Kabataan Election (BSKE), gihingusgan karon sa kapolisan sa dakbayan sa Sugbo ang kampanya batok sa mga wanted ug loose firearms.
Gitino ni Cebu City Police Office (CCPO) Chief Colonel Ireneo Dalogdog, ang kapulisan nipahigayon og 1,080 ka manhunt operations batok sa most wanted nga mga tawo gikan sa Enero hangtod Hunyo 2023, nga miresulta sa pagkasikop sa 498 ka mga tawo.
Isip kabahin sa hiniusa ug gihingusngan nga kampanya sa loose firearms na posibling magamit sa eleksyon nakigtambayayong ang CCPO sa National Headquater subay sa kamanduan ni PNP Chief Benjamin Acorda Jr. sa paggukod niadtong mga indibidual nga na expire na ang lisensya sa armas ug kadtong illegal nga naghupot niini.
Kung diin, natala usab sa CCPO gikan sa Enero hangtud Hunyo 2023 ang nadakpan niaabot ug107 ka taw, 114 ka loose firearms ang naimbargo, 39 pinaagi sa oplan katok ug 30 ang boluntaryong gisurrender gumikan dili na ma lisensyahan ang maong mga armas.
