Giangkon ni kanhi DPWH Bulacan First District Engineer Henry Alcantara sa Land Transportation Office (LTO) nga nigamit siya og peke nga driver’s license sa pagsulod sa casino.
Matud ni LTO Chief Asec. Vigor Mendoza nga si Alcantara, dili mismo ang nagpahimo sa peke nga ID ug giingong gihatag lang kini sa iyaha.
Subay niini, padayong gisusi sa LTO kon kinsa ang nag-supply sa mga peke nga lisensya ug nakig-alayon usab sa mga tag-iya sa casino.
Samtang sa hearing sa buhatan, upat ka mga gitawag og Bulacan Group of Contractors o “BGC boys” ang nihimakak sa paggamit og peke nga mga lisensya, lakip na si kanhi DPWH Bulacan Assistant District Engineer Brice Hernandez.
Wala usab motunga sa hearing ang upat ka kanhi empleyado sa DPWH, ug si Edrick San Diego lang ang personal nga mitambong.
