Naguyod na ang pangalan ni kanhi House Speaker Ferdinand Martin Romualdez sa giingong kurapsyon sa mga flood control projects.
Kini ang gibutyag ni Kanhi sundalo nga si Orly Regala Guteza, kinsa giingong nagdala og “basura” o maleta nga gisudlan og kuwarta kalabot sa mga anomaliya sa mga flood control project atol sa Senate Blue Ribbon Committee hearing karong adlawa
Giangkon ni Guteza nga kausa lang siya nakahatod og unom ngadto sa walo ka maleta sa balay ni Ako Bicol Rep. Zaldy Co sa Valle Verde ug sa balay ni Romualdez, ug iyang giinsister nga wala siya masayod sa sulod sa mga maleta.
Samtang, atol sa Senate Blue Ribbon Committee hearing, laing driver nga si Christian Santiago, nikompirmar usab nga pito ka higayon nga naghatod siya og mga maleta sa Quezon City diin magtagbo ang sakyanan aron kuhaon.
Hinuon, matud pa niya nga wala siya masayod kon kang kinsa paingon ang mga maleta.
Apan, basi sa pamahayag ni kanhi DPWH Bulacan engineer Henry Alcantara nga ang matag maleta giingong adunay sulod nga cash gikan sa P30 milyones ngadto sa P40 milyones.
