Nagpaabot gihapon si kanhi Ilocos Sur Governor Chavit Singson sa tubag sa pamilyang Yulo sa iyang tanyag nga P5 milyones.
Kahinumduman sa eksklusibong pakighinabi sa Bombo Radyo Philippines sa kanhi Gobernador, iyang gipasabot nga ang iyang tanyag mao ang pag-uliay sa pamilyang Yulo, luyo sa ilang panagbangi ug dili pagsinabtanay.
Apan matod ni Singson, wala pa siyay nadawat nga tubag gikan ni Carlos.
Talagsaon, sa samang higayon nga si Carlos nakadaog og duha ka bulawang medalya sa miaging Olympics, apan, ang nagkagrabeng panagbangi tali sa pamilya gihisgutan usab.
Apan, giinsister ni Singson nga kinahanglang mag-congratulate ang mga sakop sa pamilya tungod kay ang pamilya gihapon ang labing importante sa tanan.
Samtang, gihagit usab ni Singson si Carlos ug kinahanglan nga iyang ipakita nga siya usa ka modelo ug makapahiusa sa iyang pamilya.
