Gikumpirmar ni Philippine Ambassador to Thailand Millicent Cruz-Paredes nga 118 ka mga Pilipino sa Thailand ang gipabakwit tungod sa nagpadayon nga tensyon sa utlanan tali sa Thailand ug Cambodia.
Matod niya nga kadaghanan sa mga gipabakwit kay mga Filipino teacher sa Thailand nga anaa sa mga probinsya nga grabeng naapektuhan sa panagbangi.
Sa pagkakaron, adunay kapin sa 350 ka dokumentado nga mga Pilipino nga nahabilin sa pito ka probinsya sa utlanan sa Thailand apan 118 lang ang naapektuhan ug kinahanglan nga papahawaon.
Bisan pa, maayo na lang kay walay mga Pilipino nga anaa sa peligro ug luwas ang tanan ug walay nawala.
Gipasalig sa envoy sa Pilipinas nga ang embahada mohatag og pinansyal nga tabang sa mga apektadong Pilipino nga nagtudlo sa mga eskwelahan sa mga probinsya sa utlanan nga nagkanselar sa mga klase tungod sa panagbangi.
Karon, padayon ang Embahada sa Pilipinas sa Thailand sa pagmonitor sa sitwasyon sa mga gipabakwit nga mga Pilipino.
