Gikatahong kapin sa 14 milyones ka mga tawo ang nameligro nga mamatay sa tuig 2030 tungod sa pagbuwag sa US Agency for International Development (USAID) ngadto sa administrasyon ni US President Donald Trump.
Kini gibase sa usa ka pagtuon nga gipatik sa prestihiyosong Lancet medical journal samtang ang mga lider sa negosyo nag-tagbo alang sa usa ka conference sa United Nations sa Spain karong semanaha nga gitumong sa pagpalig-on pagbalik sa aid-sector.
Nakaplagan sa pagtuon nga one-third sa maong gidaghanon, o kapin sa 4.5 ka milyon nga mga bata ubos sa edad nga 5, mamatay sa 2030, o 700,000 ka mga bata sa usa ka tuig.
Matud pa nga ang epekto sa pagkabuwag sa maong sector ngadto sa administrasyon ni Trump, matandi sa susamang global pandemic or panagbangi sa mga nasud.
Dugang pa nga ang duha ka dekada nga pag-uswag sa kahimsog sa mga huyang nga populasyon nameligro nga mahunong ug mabalik.
Gibanabana sa usa ka grupo sa mga researchers nga base sa datos gikan sa 133 ka mga nasud, ang pagpondo sa USAID nakapugong sa 91 milyon nga pagkamatay sa mga nag-uswag nga mga nasud tali sa 2001 ug 2021.
Kahinumdoan nga si US Secretary of State Marco Rubio mibutyag nga ang administrasyon ni US Pres.Trump Gikanselar ang sobra sa 80% nga mga programa sa USAID. | Bombo Nathaniel Sandoval
