Moabot sa 2, 848 ka mga habal-habal drivers sa Lungsod sa Liloan ug Compostela ang nakadawat na sa fuel cash assistance ug tag 10 kilos nga bugas.
Gipahibaw sa kagamhanan nga ang unang batch gilangkoban sa 1,500 ka mga drivers sa Liloan ug 1,348 ka mga drivers sa Compostela nga nakadawat og tag P3,000.
Kini isip kabahin sa Emergency Crisis Intervention Program (ECIP) sa kagamhanan aron paghatag og ayuda sa mga apektadong sektor.
Matod ni Cebu Governor Pamela Baricuatro nga dako ang iyang panghinaot nga makatabang kini sa mga drivers ilabi na sa nasinating krisis sa lana tungod sa tensyon sa Middle East.
Gawas sa maong ayuda, gisusi sab ni Baricuatro ang mga gikinahanglan sa mga barangay sama sa gikinahanglan nga industrial ceiling fan sa lugar.
Sukad sa pagsugod sa Abril 8, 2026 nakahatag na ang kagamhanan sa Probinsya sa Sugbo og P24.41 milyon nga tabang pinansyal ngadto sa 8,138 ka mga drayber sa motorsiklo (habal-habal) sa 26 ka mga local government unit (LGU) hangtod sa Mayo 28, 2026.
Ang programa sa subsidy sa bugas naglangkob usab sab sa mga sektor, lakip ang mga mag-uuma, mangingisda, mga drayber sa jeep ug mga personahe nga nadestino sa mga terminal sa bus sa amihanan ug habagatang bahin sa Lalawigan sa Sugbo.
