Nihangyo ang kapitan sa Brgy. Guimbawian lungsod sa Pinamungajan nga makig areglo na lang sa nahitabong pagpangulata sa iyang anak ngadto sa biktima nga si Leonardo Siatanan kinsa midangop dinhi sa sibyaanan sa Bombo Radyo Cebu para magpakitabang sa maong nahitabo.
Ang kapitan mao si Kapitan Rolando Alia ug ang anak niini nga nangulata mao si Kevin Alia.
Kahinomdoman nahitabo ang maong pagpangulata sa nakalabay nga semana sulod sa tigbakayan sa nahisgutang lugar human nga napildi ang kapitan sa tari.
Gisukmag sa anak sa kapitan ang biktima nga si Siatanan samtang ang kapitan gikuha ang buwang sa manok nga namatay ug gi aksyonan sa pagdunggab ang biktima.
Human sa maong panghitabo niduol sa Bombo Radyo ang biktima ug didto ug gitambagan sa Bombo News Team nga paduolon usab sa Commission on Human Rights.
Gitambagan ni Atty. Leo Villarino kinsa Chief Investigator sa CHR 7 ang biktima nga ipa-settle usa sa Barangay.
Nagbuhat ug suwat ang CHR 7 para ihatag ngadto sa Barangay alang sa pag-settle sa moang hitabo ingon man gitawagan usab daan ang Pinamungajan PNP alang sa pag-esscort sa biktima.
Human sa paghatod sa maong suwat sa Baranggay hall sa Brgy. Guimbawian, adunay niadto nga konsehal sa panimalay sa biktima ug didto niingon nga matod pa nihangyo nga makig-areglo ang kapitan.
Matod pa ni Siatan gidawat nalang usab nila ang pakig-areglo sa kapitan ug ang P7000 isip bayad niini sa nahitabo gumikan di nalang usab gusto pa niini nga modako pa ang maong gubot.
Nagpinirmahay na ang duha nga di na maghilabtanay sa usag-usag ug andam usab mobayad ang kapitan sa mga tambal nga gi-resita sa doctor sa nawng niini nga nagisi.
Hangyo usab sa kapitan nga di nalang kini ipa-Bombo ug ingon man ipa-delete ang post sa facebook ug fb live kabahin sa maong isyu.
Abli usab ang sibyaanan alang habig sa kapitan sa Guimbawian. (Lahvi Quiñones)
