Kapitan sa barko, gidakop human nabangga sa oil tanker sa North Sea

Gidakop ang kapitan sa barko nga gihinganlan og Solong human kini nabangga sa nag-angkla nga oil tanker nga Stena Immaculate sa North Sea nga niresulta sa pagkasunog sa duha ka mga barko.

Diin 36 KA mga tawo ang naluwas, apan usa ka tripulante sa Solong ang nawala ug gituohan nga namatay.

Nagsugod na ang mga awtoridad sa U.K s ailing imbistigasyon sa insidente ug usa ka 59-anyos nga lalaki ang gidakop tungod sa gross negligence manslaughter.

Ang duha ka mga barko nakaangkon og dakong kadaot ug gibiyaan sa ilang mga tripulante human sa sunog.

Nasayran nga ang Stena Immaculate nagdala og 220,000 ka barrels sa jet fuel nga maoy hinungdan sa mga pagbuto human sa bangga.